Mahalagang Impormasyon Tungkol sa Peptic Ulcer

By TGP / Categories: Ulcer

Ano Ang Peptic Ulcer?

Ang peptic ulcer ay mga sores o sugat na nakikita sa stomach o small intestine linings kapag nabawasan ang mucus ng mga ito. Dahil dito, pwede kang makaranas ng pananakit ng tiyan, bloating, pagkahilo, pagsusuka, acid reflux, heartburn, at madalas na pagdighay. Para pigilan ang mga sintomas na ito, kailangan ay malaman natin kung paano gamutin ang peptic ulcer.

Ang lahat ng ating kinakain ay dinidigest sa ating tiyan at bituka para magamit ng ating katawan ang mga nutrients. Ang tumutunaw sa pagkain na ito ay ang ating gastric juices. Dahil matapang ang acid sa gastric juices, kinakailangan ng tiyan natin ng mucus para protektahan ang lining ng ating stomach. Kapag kulang ang mucus na ito, nasusugatan ang ating sikmura.

Sintomas ng Peptic Ulcer

Maraming iba’t ibang sintomas ang peptic ulcer. Ang mga karaniwang sintomas nito ay:

  • Matinding pananakit ng tiyan
  • Busog na pakiramdam kahit hindi naman kumain
  • Bloating
  • Madalas na pagdighay
  • Pananakit ng tiyan pagkatapos kumain ng mamantikang pagkain
  • Heartburn
  • Pagkahilo

Ang pinakamadalas na nararanasan ng mga may peptic ulcer ay ang matinding pananakit ng sikmura at tiyan. Ito ay dahil sa naipong stomach acid na tumatama sa mga sugat sa tiyan o bituka. Mas mahapdi pa ito kung walang laman ang iyong tiyan. Madalas na nararanasan ng mga may peptic ulcer ang ganitong mga sintomas tuwing gabi o kapag oras na para kumain.

Ngunit hindi sa lahat ng panahon ay may sintomas ang peptic ulcer. May ibang mga taong mayroon na palang peptic ulcer nang hindi nila nalalaman.

Maaari ring makaranas ng mas malulubhang sintomas ang mga may peptic ulcer tulad ng:

  • Pagsusuka o pagsusuka ng dugo, na maaaring pula o di kaya’y itim
  • Pagdumi ng may dugo, o duming maitim o kulay putik
  • Hirap sa paghinga
  • Panghihina
  • Pagkahilo na may kasamang pagsusuka
  • Biglaang pagpayat
  • Pagkawala ng gana

Mainam na kumonsulta sa doktor para madiagnose ang peptic ulcer. Ang mga test na karaniwang ginagawa para dito ay physical exam, laboratory test para sa blood, stool, at breath, endoscopy, at CT scan. Depende ito kung gaano ka mild o kalala ang mga sintomas mo.

Anu-ano Ang Sanhi ng Ulcer?

Maraming posibleng sanhi ang peptic ulcer. Maaaring dulot ito ng infection sa bacteria na H.pylori, madalas na paginom ng non-steroidal anti-inflammatory drugs (NSAIDs), o ng Zollinger-Ellison syndrome. Ang syndrome na ito ay ang pagkakaroon ng tumor sa small intestine at pancreas na nagiging sanhi ng sobrang acid sa tiyan.

Ano Ang Mabisang Gamot sa Peptic Ulcer?

Kung mayroon kang peptic ulcer, maari kang bigyan ng iyong doktor ng isa sa mga sumusunod na gamot upang guminhawa ang iyong pakiramdam at para pagalingin ang mga sugat sa iyong tiyan o bituka.

  • Antibiotics Para Sa Bacteria

    Ang antibiotics ay irereseta ng iyong doktor kapag nakita niya na may bacteria ang iyong laboratory examination. Nilalabanan nito ang bacteria na nagsasanhi ng infection para hindi na ito magdevelop at lumala.

    Kabilang dito ang amoxicillin, clarithromycin, metronidazole, tetracyline o levofloxacin. Ang antibiotic ay mabibili lamang kapag may reseta. Ang iyong doktor ang magpapayo sa iyo kung ilang araw mo ito iinumin. Kapag nakaranas ng side effects tulad ng diarrhea, mainam na kumonsulta sa iyong doktor. At mahalagang paalala: siguraduhing makukumpleto ang buong gamutan ng antibiotic nang makasigurong mapapatay ang mikrobyo kung ang pakiramdam mo ay maayos na.

    man holding pills

  • Proton Pump Inhibitor Para Sa Stomach Acid

    Dahil ang mucus sa iyong bituka ay nabawasan, maaring ang acid sa iyong gastric juices ay patuloy na magdala ng damage dito. Habang nagpapagaling, magrereseta din ang iyong doktor ng gamot para bawasan ang stomach acid. Ang mga gamot na ito ay tinatawag na proton-pump inhibitors (PPI). Ang pagbawas ng acid ay nakakatulong para gumaling ang mga ulcer sa iyong stomach lining. Ang mga halimbawa ng PPI ay ang sumusunod:
    • Omeprazole
    • Lansoprazole
    • Esomeprazole
  • Kung kayo ay makakaranas ng panakit ng sikmura, at pagtatae mainam na kumonsulta sa iyong doktor.

  • Histamine Blockers Para Sa Acid Production

    Para mas malimitahan pa ang epekto ng acid sa iyong tiyan at bituka, ang acid blockers o tinatawag ding histamine blockers o H2 receptor blockers ay makakatulong sa pagbawas ng acid production. Karaniwan na nirereseta din ang gamot na ito para sa gastritis at gastroesophageal reflux disease (GERD).

    Ang gamot na ito ay kayang pumigil sa mga receptors sa iyong tiyan na gumagawa ng acid. Dahil dito mas kaunti na lang ang dami ng acid at nabibigyan ng pagkakataon ang tiyan at bituka na maghilom. Ang ilan sa mga histamine blockers na maaring ireseta ng iyong doktor ay ang cimetidine at ranitidine.

    woman with itchy throat

  • Antacids Para Sa Neutralizer Ng Acid

    Maaari din magreseta ang iyong doktor ng antacids para makaranas ka kaagad ng ginhawa. Hindi nito napipigilan o nababawasan ang acid sa iyong tiyan pero kaya nitong i-neutralize ng panandalian ang acid. Ito ay dahil ang antacid ay may pH na alkali, na salungat sa gastric juices na may acidic na pH. Dahil dito, mababawasan ang sakit ng iyong tiyan.

    Karaniwan din itong iniinom ng mga may acid reflux at heartburn. Halimbawa ng antacid ay ang aluminium hydroxide at magnesium carbonate. Available ito sa liquid suspension at tablet form.

    woman with headache

Mga Komplikasyong Dulot ng Ulcer

Kung nakararanas ka ng mga sintomas ng ulcer, magpatingin agad sa iyong doktor para hindi na ito lumubha pa. Ang peptic ulcer ay madaling agapan, ngunit kung hindi ito bibigyan ng wastong atensyon at gamot ay maaari itong lumala at magdulot ng iba’t ibang komplikasyon.

Ang mga peptic ulcer na hindi inaagapan ay maaaring magdulot ng:

  • Internal bleeding

    Ang internal bleeding ay nangyayari sa tuwing nagkukulang ang dugo sa katawan na nagiging sanhi rin ng anemya. Sakaling mangyari ito, kakailanganing isugod sa ospital ang pasyente sa lalong madaling panahon upang masalinan ng dugo. Ang internal bleeding ay maaring magdulot ng pagsusuka na maitim o may halong dugo, o pagdudumi na may dugo.
  • Tuluyang pagkakaroon ng butas sa sikmura

    Ang peptic ulcer ay maaaring magdulot ng butas sa stomach lining o small intestine kapag hindi ito agapan. Kapag mangyari ito, puwede kang magkaroon ng malubhang impeksyon sa iyong abdominal cavity (peritonitis).
  • Pagbabara

    Ang peptic ulcer ay maaaring magdulot ng pagbabara sa daloy ng pagkain pababa sa iyong digestive tract. Ang mga taong nakakaranas nito ay mabilis mabusog kahit kakaunti pa lamang ang kanilang nakakain. Madalas din silang nasusuka o di kaya’y nangangayayat.
  • Gastric cancer

    May mga pag-aaral na nagsasabing ang mga may H. pylori na bakterya sa kanilang sikmura ay may mas mataas na posibilidad na magkaroon ng gastric cancer.

Paano Maiiwasan ang Peptic Ulcer?

Ang peptic ulcer ay maaaring maiwasan sa pamamagitan ng pagkain ng mga wastong pagkain. Sundin ang mga sumusunod na payo para maiwasan ang peptic ulcer.

  1. Protektahan ang sarili laban sa impeksyon.

    Hindi pa malinaw kung paano kumakalat ang pylori ngunit mataas ang posibilidad na person-to-person transmission (o sa pagitan ng dalawang tao) ito kumakalat o kaya ay sa pagkain at tubig. Protektahan ang sarili sa pamamagitan ng madalas at maayos na paghuhugas ng kamay gamit ang sabon at tubig. Kumain lamang ng pagkain na wasto ang pagkakaluto, at iwasang kumain kung hindi nakakasigurong malinis ang preparasyon nito.
  2. Mag-ingat sa mga pain relievers.

    Kung madalas ka uminom ng mga ito, mas mataas ang tsansa mong magka-peptic ulcer. Mainam na bawasan ang pag-inom ng pain reliever hangga’t maaari. Kung iinom man, siguraduhing may kasabay na pagkain ang gamot. Kumonsulta sa iyong doktor upang malaman ang pinakamainam na pain reliever na maaaring ibigay sayo. Kung kasalukuyang umiinom ng NSAIDs, maaaring kinakailangan mo ng iba pang gamot para maiwasan ang peptic ulcer.
  3. Limitahan ang pag-inom ng alak.

    Ugaliing limitahan sa dalawang baso ang alak na iinumin kada araw. Siguraduhin ding walang iniinom na gamot kung sakaling iinom.

Mga Pwede at Bawal na Pagkain Para sa May Ulcer

Kung mayroon kang peptic ulcer, mahalgang isaisip na hindi lamang ang pag-inom ng gamot ang makapagpapabilis ng iyong paggaling. Malaki ang ambag ng iyong kinakain at iniinom sa bilis ng iyong paggaling.

Ang mga sumusunod na pagkain ay mainam para sa mga may peptic ulcer:

  • Cauliflower
  • Repolyo
  • Mansanas
  • Strawberries
  • Bell peppers
  • Carrots
  • Broccoli
  • Labanos
  • Mga tinatawag na dark leafy greens katulad ng spinach, kangkong, malunggay
  • Probiotic-rich food gaya ng yogurt
  • Olive oil at iba pang plant-based oils
  • Honey
  • Bawang
  • Turmeric o luyang dilaw

Nakatutulong ang mga ito dahil sagana sila sa mga antioxidants na nagpapalakas ng ating immune system. Ang malakas na immune system ay may kakayahang labanan ang impeksyong maaaring idulot ng H. pylori.

Narito naman ang mga pagkain na dapat iwasan ng mga mayroong peptic ulcer:

  • Kape
  • Tsokolate
  • Mga maaanghang na pagkain
  • Alak
  • Mga acidic na pagkain tulad ng kalamansi at mga ulam na may kamatis o lemon
  • Kahit anong may caffeine gaya ng tsaa o energy drink

Iwasan rin ang sobrang pagkabusog at pagkain ng dalawa o tatlong oras bago matulog para hindi makaramdam ng pananakit ng tiyan.

Key Takeaway

Mainam na alam mo kung paano gamutin ang peptic ulcer. Ito ay maaaring dulot ng bacteria na H.pylori, sobrang paginom ng NSAIDs, o ng Zollinger-Ellison syndrome. Kung nakakaranas ka ng mga sintomas na pananakit ng tiyan, bloating, pagkahilo, pagsusuka, acid reflux, heartburn, at burping, kumonsulta sa pinakamalapit na doktor. Ito ay madidiagnose sa pamamagitan ng physical exam, laboratory exam, endoscopy, o CT scan.

Kung ikaw ay nadiagnose na may peptic ulcer ng isang doktor, available ang mga nasabing gamot sa higit 2000 na branches ng TGP nationwide. Maaasahan mo na ang mga gamot namin ay mura at dekalidad.

Search on blog