Ang kalusugan ay isang napakahalagang bahagi ng ating buhay. Kaya't sa panahon ng karamdaman, mahalagang agad tayong kumonsulta sa doktor at uminom ng tamang gamot.
Sa The Generics Pharmacy, hangad naming masiguro ang kalidad at abot-kayang presyo ng aming mga produkto. Mula sa simpleng ubo, sipon, lagnat, hanggang sa mga mas malulubhang karamdaman tulad ng sakit sa bato, handa kaming tumulong para sa iyong kalusugan.
Ano ang Sakit sa Bato o Kidney Disease?
Ang sakit sa bato o kidney disease ay isang kondisyon kung saan hindi mabuti ang kalagayan ng ating mga bato. Ito'y maaaring maging sanhi nang pamamaga, hirap sa pag-ihi, at iba pang problema sa katawan.
Ang karamdamang ito ay dulot ng maaalat na pagkain, mataas na blood pressure, o diabetes. Kaya naman mahalaga ang regular na check-up at pakikipag-usap sa iyong doktor upang maagapan ang sakit sa bato.
Bukod pa rito, mahalaga ring magkaroon tayo nang sapat na kaalaman tungkol dito. Sa pamamagitan nang pag-aaral at pag-unawa sa kondisyong ito, mas magiging handa tayo sa mga hakbang na dapat nating gawin para pangalagaan ang kalusugan ng ating mga bato.
Paano Ko Malalaman kung Meron Akong Sakit sa Bato?
Ilan sa mga senyales na ikaw ay may sakit sa bato ay ang pananakit sa tagiliran o likod, pangangati o pangangawit, kayumangging kulay ng ihi, lagnat, pamamaga sa mga binti at kamay, at paninikip ng dibdib.
Ngunit, ang mga sintomas na ito ay maaaring magkakaiba depende sa sanhi ng iyong sakit sa bato. Kung ikaw ay nakakaranas ng anumang sintomas na ito, sumangguni ka agad sa doktor upang masuri at matukoy ang tamang diagnosis at lunas para sa iyong kalagayan.
Ano ang mga Sintomas ng Sakit sa Bato?
Ang kidney disease ay maaaring magdulot ng iba't-ibang sintomas na naglalarawan ng kondisyon ng ating mga bato. Narito ang ilan sa mga sintomas nito:
Sakit sa Likod o Tiyan
Ang mga bato ay maliliit na organs na matatagpuan sa likurang bahagi ng ating tiyan. Ang eksaktong lokasyon nito ay nasa bawat panig ng mga buto sa ating likuran. Kaya naman ang mga taong may sakit sa bato ay nakakaranas nang pananakit sa bahagi ng kanilang tiyan, sa gilid nito, o sa kanilang likuran.
Pagbabago sa Kulay ng Ihi
Ang pagbabago sa kulay ng ihi, tulad ng pangingitim, pagiging mabaho, at may kasamang dugo ay malubhang senyales ng sakit sa bato. Ang mga ito’y nagpapahiwatig ng posibleng problema ng mga bato sa pagsasala o pagfi-filter ng iyong dugo.
Paninikip o Sakit sa Ibabang Bahagi ng Tiyan
Ang pananakit sa ibabang bahagi tiyan ay maaaring maging seryosong senyales ng kidney issue, partikular na kung ito ay patuloy mong nararamdaman. Ang ganitong uri ng sakit ay maaring nagmumula sa mga bahagi ng bato o sa paligid nito.
Pagbabago sa Kulay ng Mata at Balat
Ang mga taong may sakit sa bato ay mayroong tuyo, namumula, at namamagang mga mata. Sila rin ay nakakaramdam na tila may buhangin sa kanilang mga mata. Ito’y dulot nang pamumuo ng kanilang luha at hindi maayos na pagkurap.
Ang kulay naman ng iyong balat ay maaaring maging kulay abo, dilaw, o madilim. Kasama na rin dito ang pangangati ng iyong balat, kung saan mapapansin mo ring nagkakaroon na ng bukol o cysts ang iyong balat.
Biglaang Panlalabo ng Mga Mata
Ang biglaang panlalabo ng iyong mga mata ay maaaring mangyari dahil sa mga problema sa blood circulation, electrolyte imbalance, o iba pang mga komplikasyon na maaaring kaugnay sa bato.
Laging Pagod at Walang Gana
Mahalaga ang papel ng mga bato sa pagsasala ng ating dugo at pag-aayos ng electrolyte balance sa ating katawan. Kapag may problema ito, naaapektuhan ang ating katawan.
Halimbawa, nararamdaman mong palagi kang pagod at walang ganang kumain. Ito’y dahil hindi nasasala nang maayos ang sustansya ng iyong dugo, na nag-uugat dahil sa komplikasyon ng iyong bato.
Ano ang mga Kadalasang Sanhi ng Sakit sa Bato?
Ang mga problema sa bato ay maaaring magdulot ng seryosong isyu sa ating kalusugan, kaya mahalagang ating maunawaan ang mga pangunahing sanhi nito.
Hypertension
Ang high blood pressure o hypertension ay isang kondisyon na maaaring magkaroon ng malubhang epekto sa kalusugan ng ating bato. Ito’y nagdudulot ng stress sa mga blood vessels, na maaaring humantong sa pamamaga, bukol, o scar tissue.
Ang mga pagbabagong ito sa ating bato ay nagreresulta sa iba't-ibang uri ng karamdaman, tulad ng nephrosclerosis o ang pangmatagalang pinsala sa blood vessels ng bato.
Diabetes
Ang diabetes ay maaaring sanhi nang pagkabigo ng mga bato o kidney failure. Ang mataas na antas ng asukal sa dugo sa loob ng mahabang panahon (high blood sugar) na kaugnay ng diabetes ay maaaring magdulot ng pinsala sa mga maliliit na bahagi ng mga bato na tinatawag na nephrons.
Kapag ang mga nephrons ay nasira, hindi na nila nagagawa ang kanilang mga tungkulin na mag-filter at kontrolin ang antas ng likido sa ating katawan.
Impeksyon sa Urinary Tract
Ang urinary tract ay binubuo ng mga bahagi tulad ng mga bato, ureters, pantog, at mga tubo na nag-uugnay sa mga ito. Kapag may impeksyon sa urinary tract, ang mga bacteria ay maaaring makapasok sa bato at magdulot nang pamamaga na makakasama dito.
Kung hindi ito maaagapan, ang impeksyon ay maaaring magdulot ng mas malubhang problema sa bato. Kaya mahalaga ang tamang pangangalaga at agarang paggamot para maiwasan ang mga komplikasyon at mapanatili ang kalusugan ng bato.
Genetics
May mga kaso kung saan ang pagkakaroon ng sakit sa bato ay dulot ng genes na nakuha natin sa ating pamilya.
Halimbawa, ang polycystic kidney disease at Alport syndrome ay nagdudulot ng mga depekto sa bato. Ang mga genes na nauugnay sa mga kondisyong ito ay maaaring ipasa mula sa mga magulang sa kanilang mga anak, na nagdaragdag sa panganib ng pagkakaroon ng sakit sa bato.
Ano-ano ang P’wedeng Maging Komplikasyon ng Sakit sa Bato?
Ang mga problema sa bato ay maaaring magdulot ng iba't-ibang komplikasyon na may malaking epekto sa iyong kalusugan. Ito ang ilan lamang sa mga maaaring maging komplikasyon nito.
Acute Kidney Injury
Ang trauma o aksidente ay maaaring magresulta sa acute kidney injury (AKI). Ito'y isang kondisyon kung saan ang bato ay naaapektuhan nang direkta dahil sa pinsala sa mga blood vessels na nagdadala ng dugo.
Dahil dito, bumababa ang supply ng dugo sa bato. Ito’y nagdudulot nang pagkakaroon ng problema sa normal na filter processes ng ating bato.
Chronic Kidney Disease
Ang pangmatagalang pinsala sa bato na hindi na kayang mabawi ay maaaring humantong sa chronic kidney disease, na maaaring tumagal ng mahabang panahon. Kung kaya’t mahalaga ang agarang pagtuklas at pangangalaga upang maiwasan ang pag-unlad ng karamdamang ito.
Cardiovascular Complications
Ang mga taong may malubhang sakit sa bato ay may mas mataas na panganib ng pagkakaroon ng mga problema sa puso, tulad ng high blood pressure, heart attack, at angina (sakit sa dibdib).
Ang malfunctioning ng mga bato ay maaaring magdulot ng mga hormonal na pagbabago sa katawan, tulad ng pagtaas ng antas ng mga chemicals na nagpapabago ng presyon ng dugo (renin-angiotensin system).
Electrolyte Imbalance
Ang hindi normal na function ng bato ay maaaring magdulot ng kawalan ng balanse sa mga electrolytes sa katawan. Ito ay maaaring magresulta sa pagtaas o pagbaba ng mga essential chemicals sa ating katawan, tulad ng sodium at potassium, na maaaring maging sanhi ng iba't-ibang karamdaman.
Ano ang mga P’wedeng Gamot sa Sakit sa Bato?
Sa pangangailangan ng wastong pangangalaga para sa sakit sa bato, pinakamahalaga ang paglapit sa doktor para malaman kung ano ang iyong nararamdaman. Ngunit, ‘wag kang mag-alala dahil may mga over-the-counter na gamot para dito.
Over-the-Counter Medicine
Mayroong iba't-ibang uri ng gamot at pamamaraan na maaaring magamit sa pangangalaga ng kalusugan ng bato. Kasama rito ang over-the-counter na mga gamot tulad ng ENERLAX Paracetamol+Ibuprofen.
Ngunit, bago mo ito inumin, dapat mo pa ring kausapin ang iyong doktor upang malaman mo ang pinakamabisang paraan upang magamot mo nang wasto ang sakit mo sa bato.
Pagkaing Masustansya
Ang wastong nutrisyon at sapat na pag-inom ng tubig ay mahalaga sa pangangalaga ng kalusugan ng bato. Ang masustansyang diet, na mayaman sa prutas, gulay, protina, at kumpletong bitamina at mineral, ay makatutulong sa pagpapanatili ng malusog na bato.
Mahalaga rin ang pag-inom ng sapat na tubig upang maiwasan ang pagkakaroon ng kidney stone.
Pagkontrol sa Blood Sugar
Para sa mga taong may diabetes, mahalaga ang regular na pagmo-monitor ng iyong blood sugar upang maiwasan ang paglala ng iyong karamdaman. Ang pagsusukat ng blood sugar levels ay nakakatulong sa pagkontrol ng kondisyon.
Dapat ding sundin ang payo ng iyong doktor upang magkaroon ka nang maingat na pagsusuri sa iyong blood sugar para maging maayos ang iyong kalusugan.
Herbal Medicine
Maraming herbal na gamot gaya ng sambong, perehil, at banaba na kilala sa kanilang potensyal na makatulong sa pangangalaga sa kalusugan ng bato. Subalit, mahalagang kumonsulta pa rin sa doktor bago gamitin ang anumang klase ng herbal na gamot upang masiguradong ligtas ito at hindi magdudulot ng negatibong epekto.
Ang doktor ang tamang taong makapagbibigay ng wastong impormasyon at gabay para sa pangangalaga ng kalusugan ng bato base sa pangangailangan ng pasyente.
Bisitahin Kami Online para sa Mga Gamot sa Sakit sa Bato na Dekalidad at Abot-kaya
Ang The Generics Pharmacy ay isang mapagkakatiwalaang tagapagbigay ng mga gamot para sa abot-kayang halaga. Kami’y makakatulong upang maibsan ang sakit at mapanatiling malusog ang iyong mga bato.
Huwag sayangin ang iyong oras, simulan na ang pangangalaga sa kalusugan ng iyong mga bato ngayon. Agad na bisitahin ang online store para sa dekalidad na mga gamot sa sakit sa bato. Dito ka na sa TGP — ang TGPag Pagaling ng Pilipinas!
Bistahin ang aming online store!
Mahalagang paalala: Ang lahat ng impormasyong nakalahad dito ay para lamang sa pagbabahagi ng kaalaman at ‘di dapat ituring bilang professional medical advice. Ugaliin pa rin kumonsulta sa iyong doktor bago uminom o gumamit ng kahit anong gamot.
